Quppersagaq Kalaallit Nunaanni Kisitsisit 2023-mut nutartigaq saqqummerpoq

Kalaallit Nunaanni Kisitsisit nunatsinni inuiaqatigiinni pissutsinut tunngasunik paasiuminartunillu imalik, massakkut kalaallisut, qallunaatut tuluttullu 2023-mut nutartigaalluni saqqummerpoq.

 

Quppersagaq 36-nik quppernilik paasissutissanik iluaqutaalluarsinnaasunik assersuutigalugu ilinniartitaanermut, nunanik allanik niueqateqarnermut, takornariaqarnermut isumaginninnikkullu ikiorsiissutinut tunngasunik imaqarpoq.

 

Tuluttut suliarineqarnera ukiut tamaasa nunanit allaniit tikittartunut imaluunniit nunani allani attavigisartakkanut nunarput pillugu paasissutissiinermi atorneqarsinnaasunngorlugu tulluarsagaavoq. Tassani Greenland in Figures ullutsinni Kalaallit Nunaanni pissutsinut oqimaaqatigiissaakkamik paasissutissiinermut iluaqutaalluarsinnaalluni.

 

Quppersagaq oqaatsit pingasut atorlugit naqinneqarpoq, saqqummersitarlu Naatsorsueqqissaartarfiup nittartagaani: www.stat.gl –imi aamma pdf-filinngorlugu aaneqarsinnaavoq.

 

Naqitanngorlugu inniminniinermi e-mail: stat@stat.gl imaluunniit oqarasuaat 34 57 70 atorneqassapput, inniminniinermilu nassiussivissaq piniakkallu amerlassusaat nalunaarutigineqasallutik.

 

Annertunerusumik paasisaqarusuttut Naduk Kleemann, oqarasuaat 34 57 78 imaluunniit Bolatta Vahl, oqarasuaat 34 57 82 atorlugit saaffigisinnaavaat.